بيت الأدباء والشعراء

كل الناس

بقلم احمد صبري

كل الناس

احمد صبري 

 

من النهارده

 ما فيش قيود

 ما ليش حدود

 وما فيش تكتيف

 من النهار

طلع النهار 

اخذت قرار 

هاشيل التكليف

وانسى اللي فات

و اي حكايات

 مالهاش لزوم

ومافيش كبار 

ولا في استقرار 

ولا حال بيدوم

هالم الهدوم

و الم الورق

واعيد الحساب

لازم اعوم

مهما الغرق 

كان له أسباب

هاكتب رسالتي 

وتفضل حكايتي

بين البينين

 انا قد عهدي

وما خنت وعدي

شاهدة السنين

في ناس ف قلبي

وناس في روحي 

وناس في ضهري 

بتجرب فنون الضرب

فاكرين ب ضربي

ولا ب جروحي

 وانا احمد ربي

مش باخسر حرب 

وباقول يا رب

شكرا لكل الناس 

فيهم فضة ودهب

فيهم حديد ونحاس

نفوق بقى للكلام

كلامي بشكل عام

تحية بعد السلام 

في كلمتين

وخلاص 

مع خالص شكري

 وكل التقدير

مافيش ببلاش

 ودفعت كتير

دفعت فلوس

 ودموع والام

من غير كلام

 من غير تفسير

ومش هاقول

 دفعت كام

اصلي رميت

 كل الفواتير

عرفت مين الصغير

والكبير مش بالكلام

والعمر الطويل قصير

كل واحد له 

تمام 

مش ذنبي اني طيب

وباعامل ربنا

مش هنحب كل الناس 

ولا كل الناس 

هتحبنا

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: