بيت الأدباء والشعراء

حبيتها حب كبير

بقلم حنان فاروق العجمي

حبيتها حب كبير (بالعامية المصرية)

بقلم الشاعرة/حنان فاروق العجمي 

ولسه بتسألي

 وعليَّ حبيبتي بتتقلي

أيوا أنا ف هواكِ أسير 

أيوا أنا روحِك ظلك

 أيوا حبيبتي عليكِ بَغِير

وحياة عنِيكِ ياللي عشقتي التغيير 

بس تشاوري وأنا أجيلِك

قلبي عايِش يناديلِك

لا مش هتحمِّل بُعدِك عنِّي

لا ولا ثانية يسيبك قُربي

وهَعِد نجوم الليل علشانِك

ولا غيرك تِقدَر تملا مكانِك

أيوا بحِبِّك حُب كبير

مين غيرِك أحزاني يداوِي

لا على بُعدِك لا مش ناوِي

لا مش متخَيِّل غيرِك جَنبي

إزاي يا حبيبتي بحُبِّي تضَحِّي

ولا أسامحِك يوم يا سنيني 

لو ضيَّعتِي حنيني

بفَرحِك هادِيني

 إوعِي تخاصميني

لا لا تودَّعني يا فَرْحِي

لا مش هَتحَمِّل جرحي

روح واترجَّاها يا قلبي

احكيلها أشواقي وحُبِّي

لا مش قادر أخَبِّي

روحي ف إيدِك يا حبيبتي

عايشة بتِتألِّم تبكي

شايفة دموعها بتحكي

عشمانة تعاتبِك

عن أحوالي تقولِّك

جوَّايا معَلِّم وَجَعِك

وَيَا ويل إحساسي ف هجرك

وآه آه آه يا وجع بيزيد

وآه آه آه جُوَّايا وحيد

وآه آه آه يا حُب شريد

وآه آه ابعِد يا حزن بعيد

وآه آه أخدني هواها أسير

أخدني هواها أسير

حبيتها حُب كبير

وهعيش أتمنالها الخير

هتمنالها الخير

بقلم الشاعرة/حنان فاروق العجمي

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: