بيت الأدباء والشعراء

دموع بهيه

بقلم محمد العدوي

دموع بهيه

لملمى يابهيه شعرك واقلعى توب الحداد

جففى ياصبيه دمعك 

راح يفيد ايه السواد

فيه كتير عاوز يساعدك

 لما ذاد فيكِ السهاد 

يفنى عمره عشان يهاودك

 من عطب صاب الفؤاد

كم شهيد راح فى غرامك

احسبى وعِدى الولاد

 نفسى اعرف مين حبيبك

لما سهم بينطلق من غير معاد

واللى عاش يزرع ترابك

يحمى ارضك والبلاد

راح يادوب يخطب ودادك 

 اصله واخد ع البعاد

ميت يمين مش راح يسببك

تغزلى توب السواد

راح يجيب حقك وعرضك 

مهما قوى إلارهاب وزاد

مهما يغلا علينا مهرك  

برضوا ندخل فى المزاد

  يابهيه وشدى حيلك

شده وتهون ع الولاد

كلنا عاوزين نصونك 

تبقى صوره مشرفه بين البلاد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: