بيت الأدباء والشعراء

باب الكريم

بقلم اسماعيل البلبوشي

قصيدة بعنوان /باب الكريم

وأنت عامل ايه فالبعد؟؟

تلاقيك عايش في رعب

مش مرتاح ومش مبسوط

و فراقنا عليك صعب

………… 

أنا بخير والله من غيركم

مبسوط وسعيد كتر خيركم

قلبكم تاعبين أمه وعليا بتطمنوا

يا تعابين أتلموا وخشوا جحوركم

……….. 

أنا بخير والله في نعمه

دا أنا اللي كنت فيوم أعمي

ومش فاهم الحكمة من الفراق

الواحد فاق وحياته بقى لها طعم ومعني

ساعات ربنا يسخر ناس تأذينا عشان ينفعنا

………… 

وحاجات نعشقها و نخسرها ونقول أشمعنا! 

وسبحان الله بيكون ربنا نجانا منها برغم أنه كسرنا

ولأى حد خسرنا أنت خسران وأحنا كسبنا فأسمعنا

……… 

الدنيا أرزاق والصبر طريق

أنا مشيته فصمت زي البطريق

من غير أخ ولا حتى صديق ولاحد وساني

دفنت وجعي و أحزاني ما بقيتش بأعاني

أتحملت و دست على كل حاجة وجعاني

كملت طريقي ومشيته بطولي يا هوه

أنا اللي رفاقه سابوه وتركوه وحداني

فبدأ من تاني من غير أي فريق

………. 

زي الغريق شمال ويمين بتخبط

وعلى باب الكريم وكلي يقين بخبط

و متلخبط لكن ربنا وحده نجاني

من غير ما أفكر وأخطط

……….. 

دا النجاح منه وهبه وتوفيق

ومش محتاج عشان توصل لرفيق

ولا دعم أنساني، تؤكل بس أنت وأبدأ

وخليك دايما واثق في الله

هتلاقي الحياة تتحول لرحيق

 وحلمك فيها بأمر الله يتحقق

معروفة بيجي الوسع بعد الضيق

………… 

وأوعي بعد الفرج تنسى اللي سندوك

ولا ولاد اللذينا اللي فالزنقة سابوك

خد رضا أمك وأبوك ومش مهم الباقي

بكره تدور السواقي و يجوا اللي فالشده جابوك

كلمات وأشعار إسماعيل البلبوشى

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: