حب جنون

حب جنون
فوق الوصف ده حب جنون
اعمل ايه وانا بيه مسكون
ماشي في دمي منين ما بكون

رب اديني القوة اتحمل
نفسي اقدر من غيره اكمل
انا فعلا مش قادر استحمل

مخلوق فيا وهعمل ايه
شيء مقدرش بأيدي انهيه
انا مقدرش اعيش غير بيه

للدرجة دي الحب ماليني
خد من عمري وعدا سنيني
تووه فيا ولا مرسيني

للدرجة دي انا شايفك غاية
مالكة الروح محفورة جوايا
مهما اروح او باجي معايا

انا بترجا فيك يا زمان
اقسى عليا لو بالامكان
بس انساها واعود انسان

انا متكسر هيا بعيد
ازاي ممكن ابقا سعيد
واقدر اعيش مع حب جديد

فوق الوصف ده حب جنون
اعمل ايه وانا بيه مسكون
ماشي في دمي منين ما بكون
خالد المنصوري