اوعدك

اوعدك مش هحبك تاني
ولا هجري وراك وتنساني
ولاهطفي الشمعه بالدمعه
وراح اقتل عاطفه ملكاني

انا مش ضعيفه ولا ليك وصيفه
أنا بس حابه أكون لطيفه
ولجل العشره والأيام
مش ح اشكى حاجه وجعاني

إبعد وروح سيبلى الجروح
وان حد سألك إوعاك تبوح
م تقولش ليه كان الفراق
يشمت عزولي اللي عادانى

قول للعوازل د كان حبيبي
بس الوصال مش من نصيبي
كان عِشره حلوه وأحلي غنوه
وقـــــــــــــــــــلبه كان بيهــــــــــــــــواني

وانا هوعدك والوعد دين
لو غبت عني أو روحت فين
شايلاك ف قلبي وعمر قلبى
ما يفتح بابه من تانـــــــــــــــــــــــى..
#عاطف صلاح#