بيت الأدباء والشعراء

لما جوزنا الواد خلف

بقلم منير خاطر

لما جوزنا الواد خلف

لبنت خالو أبله عنيده

تلاتين طلاق بينحلف

فالثانيه وقضايا جديده

قبل الجواز كات بتحبو

بعد الجواز جايا هربانه

الواد مش راضى يتقى ربو

والبت ضعيفه وغلبانه

ودى بنت قويه على جوزها

عاوزاه عجينه فإديها

وتملى تلويلو بوزها

ويقول معلش نعديها

لا البنت عادت تتحمل

شريك حياتها لو فيه عيب

ولا شاب بيقول هنكمل

وكل شيئ قسمه ونصيب

وعيال بتيجى وتتربى

فى بيئه طبعا مش هيا

مع أب حاسين بالغربا

مع أم حياه غير طبيعيه

كيف الأهالى كانوا عايشين 

القادر واللى مش قادر 

ويربوا ولاد يخزى العين 

وكان الطلاق بينهم نادر 

وليه مع بعض بنختلف

ونهد حياة أسره سعيده

لما جوزنا الواد خلف 

لبنت خالو أبله عنيده 

منير خاطر

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: