بيت الأدباء والشعراء

إتوضا وصلى

كتب/ محمد عناني

قوم إتوضا ياعم وصلى
ولربك إستغفره وإدعى
ويا النت يوماتى قاعدلى
فى كل أمورالدنيا بتفتى
وف أحوال الناس بِتفَلِى
وبتقسمهم شيعى وسنى
اللى طويل جلبابه بمِلى
أوبسواد ولشعره مِحنى
الستات بحجابها التُولى
وبالألوان مِخَاويه لجنِى
وتحرم لحاجات وتقولى
إوعاك غير مسلم بتهنى
دى لأبواب النار تفتحلى
وجهنم بجحيمها حتكوى
تعرف إنه نبينا بيوصى
على جارنا لوحتى مِلى
أسكت حَبَه إِهدَا ياعمى
إنت فى كل قناه تطلعلى
بشِبَاك من جهلك تِغزِلى
لطريق باطل بس تودى
قوم إتوضا ياعم وصلى
ولربك إستغفره وإدعى
سيب الفتوى للناس اللى
دارسه دينها بجد تفيدنى
مِن قرآن بآيات وضحلى
كل أمور دينى بترشدنى
ويا السنه كمان تشرحلى
وبتفاصيل للحق تاخدنى
ونعمة عقلى ودا يفكرلى
ويبقا سلاح ويايا يقودنى
وأما أستفتيه قلبى يقولى
فين الخير لطريقه يودى
قوم إتوضا ياعم وصلى
ولربك إستغفره وإدعى

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: