بيت الأدباء والشعراء

بيقولو عاشق

كتب/ عادل علي

وهو فيه عاشق حزين ؟
بيقولو متهنى
فرحان وبيغنى
ولا بيشوفوش دمعك يا عين

مجروح ياقلبى
مهموم وبتخبي
ولا يوم شكيت ولا يوم بكيت
غير على الليالي وعلى السنين

مهما بكون مجروح
بضحك حلاوه روح
كل اللي جاي بيروح
ويفوت بقلبي حنين

طول ما إحنا لسه بخير
كل اللي جاي مقادير
ونصيب لابد يصير
ومعانا رب كريم
معقول أبات مهموم وحزين

ياما الحياه شلت همومها
مهما يقابلني أتحملها
وبكل حب بكلمها
وأقولها خفى شويه
ليه بتقسى دايما على المساكين

بيقولو عاشق
وهو فيه عاشق حزين
بيقولو متهنى
فرحان وبيغنى
ولا بيشوفوش دمعك يا عين

نفسى طريقى يوصلنى
لحلم تاه وغايب عنى
دايما أشاغلُه ويِشغِلنى
وكل مره بَقربلُه
والاقى روحى بِتِوصَلُه
الاقيه غريب
ويقوللي مين .. ؟؟

وأضم احزانى
تانى فى احضانى
والاقى روحى
بتلم فى جروحى
وأنا بغنى غنوه حنين

ايامى بتعدى
منى ولا تهدى
فيها وانا وحدى
وكل اللى بيشوفنى
فاكر أنه يعرفنى
يسمع غنايا
ويقول معايا
عاشق يا عين
بيقولو عاشق

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: