Uncategorized

قال حبيبتي

قال حبيبتي!!
باللهجة الصعيدية
…..

كل أوقاتك فراق
كل دمعاتك حجر
تدبحيني
وتسبقيني
وتقوليلهم
أنه كان كداب وخاين
وإنه لقليبك هجر
ف يلوموني..
كان ف ايدك أغلى ماسة
وأنت بعت..بالرخيص
وبخساسة..
سبت نورها جوه ليلك ينطفي
ويموت فطيس
ليه ما كنتش يوم حريص بين رموشك تحتويها
او تقيها من مطر
سبت ليه الشوق يدوب
تحت ضلة من الكلام
سبت احلامك تنام
في عيون كل البنات..إلا عينها
سبت ليه الليل يهينها
بين وسادة وبين سرير
ياما فرشتلك طريقك
م البداية…من حرير
ياما وضّتلك فؤادك بابتسامة
ونهدها…سجاد صلاة
سمّي صلي
قوم تصلي ف نهد غير !!
أنت ايه !!!
كنت ساكت..
بس باتفرج عليهم
كنت باتفرّس عينيهم
والمنى ألقاكي انتي جوه عين
بحر صمتي جوه مني
يسأل الدقات ف قلبي والسكوت
انتي.. فين ؟
كنت بين ايدهم باموت
يرجموني..
بألف ميت مليون حجر…تضحكي.

مقالات ذات صلة