بيت الأدباء والشعراء
لسه. باقي عليك. يا. صاحبي
لسه باقي عليك ياصاحبي
ليه حددت بينا حدود
كنت عندي أغلي من نفسي
وقلبي بالود يجود
وأما لقيتك ليا ناسي
ولم يعد ليا وجود
قلت أحافظ على كرامتي
واخترت أعيش وحيد
جوايا عشقت صمتي
عمر العتاب مايفيد
واكتب اللي فى بالي براحتي
كلامي مش مقصود أكيد
واللي هيسأل يوم عني
هتعامل بالمثل وأكون سعيد
واللي مايسأل أدعي فى نفسي
ربي يرزقه ويذيد
واتمناله الخير من قلبي
عمره ماكان عن قلبي بعيد
لو أسأت له يسامحني
عمري ماكنت فى ودي عنيد
لسه باقي عليك ياصاحبي
أنت اللي أخترت التحديد
عمري ماهقبل يوم بإهانتي
جرح الكرامه تملي شديد
(((أسامه جديانه)))
