كفايه

((( كفايه )))

يا عيون

سرقت من فؤادى السنين

يا ضحكه مصلوبه على جدار الهموم

يا فرحه طالعه من قلب قبر

ساكنه فى قلب العين

يا ظنون

لون العيون متغرب

والغنوه كدّابه

حتى الأغانى كلها

لحنها مقتول

وضلمة الليل

رقصت على الناى الحزين

وصوت البوم

فوق الشجر

قطع الوتر

هز الجبل

وفتح بحار العين

امته خيط النهار يبان

ولسه الفجر من ستين سنه

لسه حلم البطل اللى كان هربان

جبان

فين اللى بيبيعك يا موت

انطق يا حجر

كفايه سكوت

كفايه الصمت خيّـم

على لون البيوت

كفايه الحلم اللى عاش

بين خيوط العنكبوت

كفايه الأمل اللى متحطم

بين ادين الاخطبوط

كفايه صمت

كفايه سكوت

كفايه ثرثره أو سكوت

كفايه ان الأمل مولود

وموجود

فى قلب موت

*******

شاعر القريه

فيصل بدر