قلب ميت

قَلب مَيت من زَماان
🖎أشرف رسلان
____________
قَلبي دَا سِرداب مُصفَح
صَعب لِيه تِقسَى وِتِجرَح
قَلبي مِتعود قَساوة
كُل جَرح مِحتاج لِمَطرَح

يَاما شَاف ألوان كِتير
هُوَ عَايشها ضَرير
يَوم مافَكر إنه يِفَتَح
جَات لُه خَبطه مِ السِّرير

أصلُه عَاش في حِلم خَايب
نَام وفَكر فِي إللي غَايب
عَاش خَيال مَاكَنش قَده
وِ رِجع من حِلمه تَايب

تاب وتوبته كَانت نصوحه
لا عمره حب البت بوحه
ولا حتى فكر يصبح
وعينيه ماشفتش فرحه

قضى عُمره بين صحابه
إللي رافقه واللي سابه
الصحاب زي النصيب
في اللي مدحه واللي عابه

قلبي مَيت من زمان
مات ودفنوه الجيران
أما داق م الغدر طعمه
فكر إنه يكون صِوان
صان كرامته وعَز نفسه
تُوب ولِبسه كأنه جَان