بيت الأدباء والشعراء

تدبيرة خير

كتب/ إسماعيل البلبوشي

بكره تشكر الظروف
اللي عرفوك وخلوك تشوف
مين عدوك ومين حبيبك
ومن كان حي وأعمي الشوف
………….
مين ف الأزمة كان له لازمة
ومين أتخلى وفك الحزمة
ومين سندك ومسك أيدك
ومين يستاهل ضرب الجزمة
…………..
ومين قالك معاك ومش هسيبك
ومين كان نفسه بجد بيده يبدك
وفك قيدك ونسي المعروف
وسنين عامل نفسه حبيبك
……………..
ومين باع روحه عشان يفديك
ومين قالك منين هديك.؟
ومين زى الديك مجرد صوت
ومين برغم البيعة ظل شريك
……………
وقالك حظك جاي وبكره تشوف
والله حى. والحي ياما هيشوف
بكره تعرف أن المحنة منحة
وتلاقي أمان بدل الخوف
……………….
وتعرف ان ربنا كل تدبيره خير
رزق الطير فتعبي الجوف
وطول ما أحنا فينا روحنا
أحنا أيه غير خطاوي سير
ومهما شفنا بلاوي من الغير
برضوا خير وربك كبير
قادر وحده يدواي جروحنا
ويطلعنا من كل محنة
كسبانين وطيبة روحنا
وينجينا من الأذى المريب
…………..
بكره تشكر الظروف
اللي بينت المعدن الرخيص
وعرفت مين رخيص ومين نفيس
وكله هيبقى على المكشوف
ومين مهما بين المحبة سنين
فاول خلاف بان خسيس
أصل الرخيص هيفضل رخيص
مهما تزوق وتلف فكيس
ولمع من بعيد وبأنه دهب
راح ينصهر تحت اللهب
ويبان معدنه رادي الغريب
……………
كلمات وأشعار إسماعيل البلبوشى

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: