بيت الأدباء والشعراء

ليل الشوق

،،،، ليل الشوق،،،،،
ليل الشوقللمشتاق بيته وعشه.
ليل مليان اشواق للي يحسه.
العاشق يسهر ليله كله
يستني في نور عينه
وان غاب يسأل قلبه
قولي ياقلبي فينه
حبيبي اللي استنيته
استناك تجيني في عز اليل
والصحبه اللي تعدي اسألها
جميل الحب تقولي جميل
واسأل طب ايه هو دليل
انك مستني ومتهني والوقت جميل
وان جالك هو المعشوق
في شفايفه كاسات بتدوق
فيها شهد لقاكم دوق
بتنسي سهر الليل وآلامه
من اول كلمه يادوب بكلامه
تطفي نيران قلب الحيران
قلب العاشق و المعشوق
وفي ليل الشوق بيجيني امير
باخده في احضاني كتير
ولا باسألهوش عن تأخير
وللسلامات والقبلات والاحضان تأثير.
ليل الشوق اللي سهرته
في عز ضلامه نورته
ومهما يصير منك عليك باغير
الحب اللي ياروحي في قلبي
مااقدرشي اداري عليه واخبي
واحلف بالشوق كله انك حبي
والدنيا من غيرك ماتساوي عندي
نظرة عين ولالمسة ايد ولا تنهيد والله ياوعدي
قتلني بعادك
وباستني معادك
ياللي عنادك
عذبني عذاب
بعد عذابك
ولا فيه بعد عذابك
ياحب للاحبابك
وبتلقانا واقفين علي بابك
بنستني حلاوة طعم عذابك
منه العاشق والمعشوق
من شهده يدوق ويدوق
ودموع بتسيل وخدود
وبسمه لشفايف وورود
وليل وسهر ممدود
ليل الشوق للمشتاق بيته وعشه
ليل مليان اشواق للي يحسه

بقلمي /
محمدحسنين
عاشق طين بلدي

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق