بيت الأدباء والشعراء
نصيحه أم. صعيديه
نصيحة أم صعيديه
————————
يا بنت الناس يا أحلي الناس
ياصعيديه
جمالك فاق و ع الأخلاق
متربيه
يا صاينه جوزك ولو يعوزك
من قبل نداه مستنيه
إوعي يعوزك وتلوى بوزك
مدام معاه متهنيه
ل عمر عينه يا نني عينه
جات علي حاجه مش عاجباه
بيسد دينه الله يعينه
بتبقى واقفه وشايله معاه
أمك قالتلك بشويش حكتلك
يابنتى جوزك إنتى غطاه
إياكى سِرّه يخرج لغيرك
غدره هيظهر وتخش غيرك
وإن كنتى ماشيه ف خط سيرك
إياك يشوف حسنك سواه
وتصوني عرضه د الرب فَرَضه
وتراعى ربك وتأدي فَرّ ضُه
جوزك ف تعبه وعز مَرَضُه
قلبك وحبك يبقي دواه
يابنت حاسبى من ناس راديه
م ينوبنا منهم غير الرازيه
لو بالوقيعه حاولو الأذيه
قولي بحبه وقلبي معاه……
#عاطف صلاح#
