بيت الأدباء والشعراء

كلام علي ورق

كتب/ محمد إبراهيم حجاج

كلام كان علي الورق
والقلب منه أتحرق
والعقل مني اتسرق
عايم بيتفرج عليه وسط الغرق
ماسك في خشبايه وسايبني ليه بحارب
ومش راضي اني اشاركه ونعيش سوا علي القارب
خايف يكون غلطان وطموحه ماسكه شيطان
وانا أهو في عرض البحر حواليا جوز حيتان
وقروش تسن سنان وانا في الحيتان متعشم
بعد العشم ندمان
عشمان في رب كريم منها ينجيني
غدار يا بحر وانا كنت فيك ولهان
بشكي إليك حالي وانت تجاوبني بالموج العالي
وكأن فيه إنسان
فرحانة بالفرجة فكراها فيلم من اللي كانوا موجودين في زمان
ليه ما عدتش انا فاهم الدنيا زي زمان
ماشي في طريق خايف انه في يوم يفترق
وسيبها علي المولي وهو بي اولي هو بأيده نجاة من بحر نغرق فيه من سجن فيه نتشنق
#محمد_ابراهيم_حجاج

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: