بيت الأدباء والشعراء

أنا. وإنت مش. شرط. نكون

انا وأنت…مش شرط نكون
علي مركب….. ونلف الكون
يكفيني ويكفيك يا حبيبي
ضحكايه ..من أحلي عيون

دي النظره… من نن عيونك
بتحرك …ف القلب حاجات
ورموشك.. ومعاها جفونك
بتصحي …..قلوب الأموات

انا وأنت ..لو عوزنا نعيش
مش لازم جناحات أوريش
يكفيني ويكفيك يا حبيبي
لو نفتح ف قلوبنا الشيش

وأتقابل …مع شمس نهارك
واختارك …..من بين الناس
تحكي لي عيونك.. أسرارك
ويفضفض.. قلبي الحساس

يحكي لك… ع اللي مخبيه
وعيونك ……دى ترد عليه
وتطمن قلبى اللي ما صدق
يتقابل …….مع قلب شاريه

أنا وإنت ..مش شرط نكون
حدوته…………. بتلف الكون
يكفيني .ويكفيك يا حبيبي
للوعد ….اللي مابينا نصون

*************************
رضا ابو الغيط

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: