بيت الأدباء والشعراء

إللي بيشمر عن ساعدو

كتب/منير خاطر

راح يوصل بكره أو بعدو
سنه وللا اتنين الصعب يلين
والكل بيحب يساعدو
أما اللى بيأنتخ وينام
ملوش أمل ولا فالأحلام
بيقضى عمرو فالكلام
مع خيبة أملو بيتواعدوا
بياخد مصروف من ماما
ويقابل زيو اصحاب ياما
ياخدوه ويلف فدواما
يهبط ويلقاهم صعدوا
عمرو مايفهم بالمحسوس
وراسو داخل فيها السوس
وجيرانو سموه الموكوس
والأهل عنو بيبتعدوا
دايما بيحضر متأخر
وينام للمغرب ويشخر
وفكل قعده بيتفشخر
وفجيبو جنيهات يتعدوا
وتخبطو الحيطه ويرجع
يسمع كلام مالناس يوجع
يندم ولكن ما بينفع
ملوش مكان والناس قعدوا
إللى بيشمر عن ساعدو
راح يوصل بكره أو بعدو
والكل بيحب يساعدو
منير خاطر

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: