بيت الأدباء والشعراء

ارضي بالمكتوب

أرضي بالمكتوب

أرضي بالمكتوب عشان تقدر تعيش فيها
لو أيامها هتتعبك خلي راحتك في لياليها
فيه حاجات ملكك غيرك نفسه بالدهب يشتريها
أرضى بالمكتوب دي حياة قلوب والصبر بيحليها

حبيت الحياة لقيتها ما كرهت حد قدي
عاشرت خلق وناس ولقيتهم واقفين ضدي
ما ملكت فيها غير أيام من العمر بتعدي
ورضيت بالمكتوب في دنيا لا بتجيب ولا بتودي

طبيعي إنك تلوم الحياة وتقول إنك مكروه
ما انت اللي مشيت في سكة خلتك تتـوه
معرفتش تصاحب غير خاين وغشاش ومشبوه
الرضا مش بالكلام ده اختبار وأيام كتير بيجهلوه

حتى انت مغلطني طب عايزني اقولك إيه تاني
ده فيه حاجات جوايا مقدرش اقولهالك بلساني
انت شفت ضحكتي بس ما شفتش قد إيه بعاني
انت كدبتني وصدقت الدنيا وهي ولا حساك ولا حساني

انا عمري ما صدقت الدنيا بالعكس انا مصدقك
بس انا مش عايز افكارك في هموم وحزن تعلقك
صاحب اللي يتصاحب وحب اللي من قلبه بيعشقك
وابعد عن اللي يظلمك اقتل خوفك وحزنك وكل شيء بيقلقك

حب الحياة وسايرها عشان تقدر تعيش
هصاحب نفسي وابعد عن ناس ما تساويش
من النهارده هرمي ورا ضهري أي شيء ما يهمنيش
هراجع حساباتي هصحح اخطائي وهعيش
وهرضي بالمكتوب عشان اقدر اعيش
خالد المنصوري

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق