ودوامه

ودوامه

مابتْعرَفْنى مواعيدى

عشان ارجع

وآه فى الغـُربه ياحبيبتى

آهين تِوجع

وتجمعنا الصُدف أغراب

ونرجع نفرش المنديل

وفوق منه أغانينا

نغنيها ونِحْكِيها تبكينا

نِلم الغنوه نِطْويها تواسينا

وتهرب مننا الضحكه سنين وسنين

ونهرب من أغانينا وبُـكا القلبين

*****

ودوامه

تِقربنا تغربنا

تِدَوبنا تهربنا

تِفَرّقنا تغرقنا

وتِخنـُق دمعنا فى العين

****

ودوامه

تِلفْ قلوبنا عـِز الليل

تِحاكِينا وتِحْـكينا

تِبكِّينا تِنسِّينا

كلام الغنوه فى المنديل

وتجمعنا الصُـدف أحباب

وتهجرنا الصُـدف أغراب

ونرجع نبكى من تانى

والاقى الفرحه نسيانى

ولَـيْـمانى

وللدوامه رميانى

ولا يمنك فى يون انسى

حبيبتى ازاى هتنسانى يا دوامه

*****************

شاعر القريه

فيصل بدر