Uncategorized

الشمس الذهبيه

بقلم عزة ابوزيد

وجدايل الشمس الذهبيه

 لما تهل علي الشباك

وسلامها مقسوم ف جمالها

بتلاعب وش البنوته

 وانت العايش جوه هواك

حبات اللؤلؤ ف جبينها

 بتزيدها جمال 

قلبك مرعوب من نظرتها

و متنح مستني اللحظه

و عيونك بتبص لفوق

 طب جرب لاغي مشاعرها

 و ارمي النظرة 

من شيش متوارب 

نفسك يمكن تبقي القارب

  و تجدف

تنقل إحساسك

 احساسك .. جدا متلغبط

 لساك واقف تحت البلكون

و القهوجي بيجيبلك شاي

باصص ف عنيك وملاحظ

 انك متحير

 و بيسال احساس متبعتر

و مطنش انت لنظراته

متبسم و تقول اخرتها 

من نظره ياعالم حبيتها

و الشوق الدايب 

ف ساعتها كان متخبي

ورا ضلفه شيش

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: