نام. القلم ع الورق

نام القلم عالورق
قلت أشوف سبب نومه
نومه تقيل القلم
على أيه راح ألومه
بصّلي وقام القلم
وقالي أنامش نايم
طب كنت عامل أيه
قالي أنا عا الكلام صايم
محتاج حروفك ياقلم
قالي مانيش دايم
التكنولوجيا هتهدني
والكل وراها عايم
تكتب بصابعك عا الحروف
تلقى الكلام مرسوم
على حاجه ما تحسها
حتى الزمن مهموم
لا فيه ممسحه ولا قلم
والنت لو فى حالة نوم
وكل شئ ينمحى
والعقل معاه مظلوم
قالوا عليها أختراع
ما أنكتب بالريشه فى يوم
والمحبره جنبها
تنزف محبه ولوم
كتبت مجلدات
وكتب محفوظه لليوم
وفى خلق ربى
كان القلم معلوم
بيكتب الأقدار
واللي بيدور اليوم
ما تسيبني أريح عنيه
من غير لحظة نوم
خلاص راحت عليه
ولا حوجه ليا اليوم
راح تنساني أجيال
ويخترعوني تاني
لما تنتهي التكنولوجيا
ونرجع للسيف تاني
وساعتها أرفع راسي
وأقول عُدت يازماني
وأكتب وأصول وأجول
كل الفنون والعلم الرباني
لحد ما ييجي زماني
ما فى حد يصحيني
لاعاد جوايا حروف
ولا حبر يقويني
(((أسامه جديانه)))