بيت الأدباء والشعراء

لما المراوح اشتكت

بقلم منير خاطر

لما المراوح اشتكت 

طلبنا دعم التكييفات

نسينا إن العين بكت 

من وصل الكهربا اللى فات

على الحالتين لازم نشكى 

مالحر أو من كتر الدفع

وانتى يا حكومه بتتكى 

علينا يوماتى ونازلين رفع

وبدال مانصيف نتليف 

وكل شويه بناخد دش

ييجى وصل الميه ما بيهيف

من بعد الغاز دايما بيخش

ودا وصل الغاز كلو ألغاز

بيقولك ادفع واتظلم

مش عاجبك روح لبجور الجاز

واتعلم تانى ما تتكلم

بلد اللى معاه هوا اللى يعيش

وأدينا قلنا وبلغنا

إفتح شباك الأوضه والشيش

ونام متوجعش دماغنا

شط البحر ولعب الركت

بقى بينا وبينو كتير مسافات

لما المراوح اشتكت 

طلبنا دعم التكييفات 

منير خاطر

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: