بيت الأدباء والشعراء

وخدانا يادنيا على فين

بقلم منير خاطر

واخدانا يا دنيا على فين
ماشيين ومحنش شايفين
ساعه تقربنا وساعه تبعدنا
وساعه بتسكعنا كفين
تملى ماشيه معانا بالعكس
نركب حماره بتركب تكس
بعتلها عمرى ياناس بالوكس
أبو مليونين بعتو بقرشين
وتملى الحظ معاكسنى
وفكل حيطه ملبسنى
ضاحك عليا محسسنى
إن الهنا جاى بعد يومين
واسمع كلامو وبستنى
يمكن يدخلنى الجنه
أشوف حياتى واتهنا
عالحال دا ماشى بقالى سنين
واقول يمكن يسدق مره
وللا يجيب أخبار ساره
ويغير العيشه المره
ألاقى المر صبح مرين
واخدانا يا دنيا على فين
ماشيين ومحنش شايفين
ساعه تقربنا وساعه تبعدنا
وساعه بتسكعنا كفين
منير خاطر

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: