بيت الأدباء والشعراء

جوا الكتب وفالمراجع

بقلم منير خاطر

جوا الكتب وفالمراجع 

كلام قالوه ناس قبلنا 

مش غلط لما نراجع 

نفسنا ولوحدنا 

لما نرجع فى القرار

لو نلقاه هيجيب دمار

حتى لو كان فيه مرار

نستحملوا أحسن لنا

نقف كدا زى الألف

من أول دوران نلف

ملناش عقل نستلف

ونسأل اكبر مننا

لما تلاقى الحاره سد

وتحس مش قادر تسد

حرام عليك تعمل أسد

وتقول هعدى من هنا

وزى ماقالت ست عديله

الرجوع للحق فضيله 

لازم نلاقى سكه بديله

ولازم نلزم حدنا

فى الكتب وفالمراجع 

كلام قالوه ناس قبلنا 

مش غلط لما نراجع 

نفسنا ولوحدنا 

منير خاطر

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: