بيت الأدباء والشعراء

هو بالنسبالي مات

محمد عناني

هو بالنسبه لى مات

===========

هو بالنسبه لى رَاَح

زى الرماد ويا الرِياح

خَد معاه كل الجِرَاَح

وبدأت احس بارتياح

رغم إنه كان أول طريقى

وحِتَه منى شىء حقيقى

كان فَرحِتِى من بعد ضِيقى

رغم إنه كان نقطة بدايه

لما جِيِت اكتب حِكَايه

إتكَسَرِت زى المِرَايه

هو بالنسبه لى مات

زى غِيره من الحاجات

صفحه إنطَوت جوا السُكَاَت

سطورها باهته من الآهات

ماسَاَبِتش عندى ذكريات

مع إنى كنت باخاف عليه

وجوا قلبى واحده فيه

وكتير كتير حاولت فيه

قَادِت صوابعى شمع لِيِه

كانت آمالى كتيره فيه

وحلمت يوم أتباها بيه

لكن الخيانه طبع ليه

والغدر كان دايما مَلِيه

والكدب بِيطُل ف عنيه

مليون سؤال إزاى وليه

ملقيتش مره جواب عليه

عمرى ما اندم يوم عليه

حاامسح سنينه والساعات

هو انتهى خلاص وفات

واللى فات عدا ومات

=============

( محمـد عنانى )

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق