صباح الخير والمحبة يا كل الأحبة ::::
نسائم من بلدي :::
سألوني … وين رايح ؟
قُلت :
على بلاد الأصايل و الملايح
تأُقبل عيون قمرهم
وآخذ …
حٙبٙة قمح من بيدرهم
وشويّة زعتر وزيتون
ومرمرية وزهرة الحنون
وحبه من الليمون من أرضنا
تٙنِجلس تحت التوتة
نحكي الحدوته
وتٙنحدي مع الشِبابه
الميجنا والعتابة
ونقول :
لظريف الطول
مٙيِّل يا غزٙيِّل
يا غزٙيِّل مٙيِّل
مٙيِّلٙكْ مٙيّولة
قٙيِّلٙكْ قٙيُّولة
نسقيك فنجان قهوة
نعملك تبولة
تٙتِجيك المحبوبة
مع طير الحمام
ينشر السلام
ع ربوع بلادنا
و آ آ آ آ آ وووووووف
آ آ وووف
يا حبيبنا الهُمام
سٙمِعنا الموال
ومع نسيم الفجر
إليك بعتنا
حرفين حُب
وسلة ورد
من ورد
بلادنا
د. عز الدين حسين أبو صفية ،،،
