بيت الأدباء والشعراء
صباح البهجه
🎉🎈🎀🎄. صباح البهجة 🎶🎼🎷🎤
💜❤💗💛💚💙❤
صباح البهجة و الرنجة. في شم نسيم
اضربلي الدنيادي طبنجة. و اتذكر هيم
و فكك من عالم لزجة. ومن كل غشيم
زيت الحب ف السرجة. . غشوه برسيم
يا بت بشيلها ع اكتافي و كبرتي قوام
وقلبك اصبح متعافي. علي قلبي حرام
من ودي ليكي متخافي. من اهل ملام
قلبي لاجلك جي حافي. و دايس الغام
عصافير الحب المحبوسة تتمني تسيب
تخطف من خدك ميت بوسة. وتطفي لهيب
عريس بيحلم ب عروسة. ومستني نصيب
انا قلبي صنية بسبوسة. و محشية زبيب
دي عينكي بتقتل رجالة. و بتكيد ستات
و حيات عينكي القتالة زوري الاموات
انا قلبي دلوقتي بحالة. وبتجيله حالات
و دقات القلب الشغالة. رافضة الاجازات
صباح الخير علي قمرة. حواليها نجوم
معاكي بتحلالي السهرة. ولا افوت . يوم
درويش وعاشق للحضرة مش عايز اقوم
دانا قلتهالك ميت مرة هادي المحروم
#الشاعر_ابراهيم_دعبس
