يا وطن سير وأتقدم
يا مكتر محاربينك
بعد التحية أفندم
الرب هيعينك
فى كل خطوة إشاعة
بس احنا عارفينك
نفسهم في بنزين وولاعة
وينسفوا فى سنينك
حاولوا يفرقوا ما بينا
لكن ده عهد بينا وبينك
هنضحي لأجل بلدنا
ونروي بدمانا طينك
مصر مش كلمة والسلام
مصر صاحية والباقى نيام
عمرها7000 عام
فينك يا حاقد فينك
تحيا مصر ومصر تحيا
وطول ما تحيا أنا هحيا
وابني فى خيرها يحيا
محدش فى الدنيا يقدر يهينك
