Uncategorized

رحله امل

جديد
قصيدة بعنوان…. / رحله امل

الحقيقه الواضحه واللي مش محتاجه شرح
ان الفراق يكون حجه الدنيا وانت رافض منها الجرح
وخايف من المشوار وخانق بأيدك الفرح
ومستني ارضك البور تطرح لك اجمل ورد
مفيش ورد من غير شوك
يا حبيبي اصحي و فوق
الفرصه بتيجي مره وحده ف العمر
ماترساش كاسات اليأس وتصب فيها المر
وتدفن حبنا وسنين عمرنا ف الارض
لازم تكون واعي ان احنا بس لبعض
يا حبيبي حياتنا دي بأيديك وبأيدك انت تنفذ الامر
الحياه مقاوحه واعتماد كلي على النفس
قوه روحيه وصلابه محتاجه عزم وجهد
انك تبيع حبيبك وتقول الطريق مش سهل
وتصعب عليك الحل
اياك تنسى مرار الايام وترجع تقول الاهل
اتذكر الماضي وبص حواليك وبلاش طيبه وجهل
الحب تضحيه من اجل الحصول ع السعاده
مش حاله فردية وبكاء ملهوش افاده
وشراب قهوة ساده وليالي كأبه
وترجع تاني للوحده وتطالب بمؤازرة الاحباب
ليخففو عليك الم الفرقه والغياب
حبنا عمره م كان عذاب
ولا اتبني بتجمعنا علي خوف
ملعونة ام الدنيا اللي معنا قلبين بحجه الظروف
مش عشقنا اللي تتخلى عنه لأتفه الاسباب
اياك تضيع عشقنا وتقفل علي ارواحنا الباب
وتهدم حلم عشنا علشانه وترجعنا تاني اغراب
اعترف لكل الكون وقول للعالم انا حبيبك
انا اللي بعت كل الدنيا وعمري ما فكرت ابيعك
انا اللي بطلب من الله اكون ف السما نصيبك
قول للناس انك كاره الحياه من دوني
وقولهم ربنا كتبه ف حياتي يكون سندي وعوني
ودي للحياه امل وادعي ان بكره يصيب
واختار بأيدك المنطق زي ما اخترتني حبيب
واحلف يمين انا الحزين ومعاك الحزن ودعني
ودموع السهر والاه والقهر بسببك انتي ما زراني
ما انت القمر اللي سكن حياتي ونورني
اروح لمين واشكي علي غيابك يصبرني
يا اغلي حبيب من غيرك يدمرني
معاك انت طاب الجرح والحزن راح وودعني
بسببك انت دُقت الفرح والعشق بوجودك دلعني
انا اللي ياناس بعت الجرح وسبتله صراخ يسمعني
اياك بقي عني تغيب وتبعني من خوفك
عشان سكه سفر
بأيدك انت تخليني ذكرى لمواساتك
يا حبيبي لو دق الوقت والمعاد فاتك
وحبيبك مات متجيش تلوم علي الدنيا
ليه كتبت عليه يكون من الاموات
يا حبيبي انا بذات
بطلت احب تاني بعدك يكفيني عزا وفخر
اني عاشق انتهى ف عهدك
كل اللي جنبك دول عزوتهم كذابه
سابه الاسد مجروح وهربوا من غابه
عيروا على جرحو وسابوه في الدوامه
وقالوا يلا نعيش من غير هم وكأبه
يا حبيبي انت بأيديك تعيش وتتهنى
وتكسر حاجز الخوف وحب واتمنى
ان كنت ليك انا الفرح ف انت ليا الجنه

الشاعر عاطف بيومى محمد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: