Uncategorized

يا حبيبي القطر

#يا_كمسري_القطر
يا كمسري القطر
ماتقول الحقيقه
إنت اللي قاتل فعلاً
ولا البشر ظلماك
يا كمسري القطر
ماتقول الحقيقه
الصدق راحة نفس وضماير
وراحة الصدق بتكمل
معاك عمرك وبعد وفاك
يا كمسري القطر
ماتقول الحقيقه
ده الكدب مبتور الساقين
والراحة في دقيقه
وتعيش بقيت العمر متعذب
وبرضو التهم لبساك
يا كمسري القطر
ماتقول الحقيقه
ده هدم بيت الله
أهون من قتل البشر
ولا دي مش هماك
يا كمسري القطر
ماتقول الحقيقه
وإحكيلي ب التفصيل
ع اللي جَرىَ وياك
يا كمسري القطر
ماتقول الحقيقه
وراعي اللي شافك وقتها
أصل اللي شافك ربنا
والناس دي مش شايفاك
هو اللي أعلم ب الحقيقه
إنت اللي قاتل فعلاً
ولا البشر ظلماك
يا كمسري القطر
(((..مصطفى دسوقي..)))

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *