بيت الأدباء والشعراء

لحظه الم

((((لحظة ألم ))))

شايفه اختبار من ربنا
فى أى شيئ يحصل لنا
كان م الفرح او من مرض
حالة قدر من بختنا
كله اختبار مع صبرنا
عمرى اللى غاب
وكان شباب !!!!!
وف قلبي ماضي وذكريات
والشعر شاب
بالحكمة ناوى أصبغه
دايما حنين ترجع سنين
شايف بكا ف قلبى الحزين
من غير دموع جواه أنين
وباقولها ليك
ماتسيبش حزنك يغلبك
خلى العزيمة ف سكتك
وابدر أمل وف محنتك
أيوب صبر !!!!!!
بالصبر كمل رحلتك
والشوق هيسكن دنيتك
طب ليه حزين ؟؟؟
خلى القلم لون غنوتك
واشرح ألم وف بسمتك
ومعاها ضى فى شمعتك
والصبر لونه ف قصتك
يرمح بمهره بدون لجام
وارسمها لوحة بخطوتك
ماتقولش ليه اشمعنا أنا
أصله إختبار من ربنا
الصبر دايما ريقه مر
ونهايته بتكون الهنا
إبعد شكوك أو أي ظن
دا الشك يخدع نيتك
ارمى الحمول على ربنا
بالذكر جمل وحدتك
أوعى الهموم تستهلكك
خليك شجاع
خليك قوى
بالصبر لون ضحكتك
***
مع تمنياتى بالشفاء العاجل لأغلى الأصدقاء
جابر الأسد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: