بيت الأدباء والشعراء

مش لاقي كلام

مُش لاقي كلام يوصف
مشاعر حُزن مـِـ الأصلي
حروف العطف خجلانه
وجلها الآسىٰ قَسْري
إيه يوفي اللي جوَّانا
وفصول القصَّه قهرانه
ومن أوجاعها قتلانه
مــَ سكِّينها طلع مصري
وفين الرحمه والطِّيبه
وتمن التَّذكره راجل
دفعها بعمرُه كضريبه
بجرِّة فعل مـِـ القاتل
قلوبنا إيه جرىٰ ليها
ومين اللي عمىٰ عينيها
وخلَّىٰ القسوه ترويها
وفجَّر ظُلمها الحاصل
لسوء العيشه هتقولوا
دي اكتر حاجه هتدينكُم
ما كُل شيء ولُه أصولُه
وكان كافي جفا سنينكُم
دبحتوا الحلم عــَ القُضبان
طعنتوا المعنىٰ فـِ الانسان
صبحتوا أقسىٰ مـِـ البركان
وبتقولوا ربنا يعينكُم !!
علىٰ المُر اللي شربينُه ..
فـَ راجعوا قلوبكم الظَّالمه
هتلقوا الحُزن وسنينُه
نِتاج نوياكُم الضَّلمه
زرعتوا الظُّلم بأيديكُم
حصدتوا سَطوتُه عليكُم
وشوفتوا نتاجُه بعنيكُم
فـَ صِرتوا لمنهجُه أئِمَّه

تمن التَّذكرة راجل
مسعد سليم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق