بيت الأدباء والشعراء
مشاوير
#مشاوير
و ماشية الخلق تتطوح
عشان شاربة مرار الكاس
و ايه ف الدنيا دي يفرح
و مين فعلا بيطلع ناس
******
ووخدانا الحياة مشاوير
و ظلمانا و مفيش تقدير
و بنعدي عشان تمشي
وبتعشم مراكبي تسير
دانا ال تعبت ع الاخر
واقول صبري له اخر
ونفسي الحزن يتاخر
انا معدي لغيري كتير
ووخدانا الحياة مشاوير
،،،،،،،،،،،،،،،،،،،،،،،،،،،،،،،،
ووخدانا الحياة رحلة
ولا ميت. ولا ب أحيا
لكن قدري معاها أسير
ومتعشم في يوم تحلا.
و ساند روحي بالعافية
منين تيجي لجريح عافية
و دخلالي الحياة أفية
ومتعشم ف يوم تحلا
ووخدانا الحياة رحلة
ووخدانا الحياة مشاوير
،،، ،،،،،،،،،،،،،،،،،،،،،،،،،،،،،
كريم ربي اله الكون
وف ثانية وكن فيكون
هتتعدل حياة الناس
ويفرح قلب كان محزون
تعود الفرحة لوشوشنا
ومين ع الفرحة يحوشنا
ويجزي صبري بالحسني
و بالصبر الحياة بتحلا
ووخدانا الحياة رحلة
ووخدانا الحياة مشاوير
***********
#الشاعر_ابراهيم_دعبس
