صياد و بسعى على حالي
مركبة فى النيل راس مالي
وبرزق ربي انا راضي
ارمي الشبك رزقي حلالي
و فى مرة رحت لمركبتي
فى مكانها ورابطها بايدي
لا لقيت لاميه ولا مركب
راح فين النيل وصبح فاضي
شفت فى أرض النيل قازورات
شعرت أن قلبي مات
مصانع ترمي مخلفات
وكيزان درة وكانز وزجاجات
وأرض النيل تبكي انات
والدمع سايل كله آهات
على شعب دمرني طول الأوقات
الشمس طلعت ظهرت حاجات
أطنان سمك بين القازورات
صامت راكد بدون حركات
حتى السمك فى نيلنا مات
الكل فى حالة سبات
وفجأة عليت الأصوات
بين البكى والصرخات
فلاح بيصرخ على الزراعات
نشفت فى أرضه الشتلات
ياشريان مصر القلب مات
الفكر فى دماغي وصرعات
من قلقلي جالي تهيوءات
وكان كابوس
من ضمن الشطحات
دائم يانيل لأرضي تروي
والسمك فيك فرحان بيجري
والرزق فيك دايما تعطي
شريان مصر فى وريدها يسري
ولك فى قلب كل مصري بصمات
(((أسامه جديانه)))
