Uncategorized

خيل الحكومه

اسماعيل البلبوشي

قصيدة / خيل الحكومة

لم الورق وأطوي الكتاب

وبلاش تنوح ويفوح عتاب

وتفتكر أيام عدوا سراب 

وطلوع روح وسنين غوالي

وسهر ليالي وعمر خالي

من الراحة عدي ف عذاب

أنا كنت زي خيل الحكومة

اللي أتقتل لما كبر

لاعمره أشتكي لما عانه

ولا عمره بكى و طلب أعانه

عايش الحياة في صبر وجلد

لا عمره فنص الطريق رجع

ولا عمره بأن عليه الوجع

ولما زاد عليه الوجع أتجلد

ونسوا أنه سنين صبر

ولاحد حايله وبخاطره جبر

أخدوه من شبابه الثمر

ورموا النوى لما نوى وأنفجر

أستكتروا عليه الضجر

شويه بشر شايفينه حجر

حتى الزعل زعلان عليا من الزعل

وهما مستكترين عليا الزعل

متشكرين وأسف أوي

لو بالقوي جيتم على

ربنا قوي وعالم بى

ومهما أتعمل ما هقولش أي

ولسه الأمل بكره جاي

ولكل حد فيكم ليا محقوق

صاحب الحقوق موجود وحي

ولو غروب الحق طال

وميزان العدل ف حكايتى مال

بكره الشروق هيكون له ضى

الحق راجع أكيد مش أحتمال

وأنا حقي جاي والله جاي

كلمات وأشعار إسماعيل البلبوشى

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *