مش قادرة اتصور

مِشْ قادرة أتصَوَّر (نص غنائي بالعامية)

بقلم الشاعرة /حنان فاروق العجمي 

مِشْ قادرَة أتصَوَّر !!

الفرحة دي اتكَتَبِت عَلَشَانِي!!

عيُونُه بِتْشَاوِر عَلَيَّا ف مكاني!!

معقول دِي بتقول عَشقانِي!!

يا نهار دَا الشمس بتُشْرُق لَمَّا يْهِلْ!!

بِيْسأل أخبارِي إِيه؟؟ وعَلَيَّا يْطُلْ!!

وأعمل إِيه في دِي العيون ؟

أسِيبُه يِسهر ؟؟

لا عَلَيَّا مِشْ هَيْهُون

حبيبي إنتَ إلِّلي بَتْمَنَّاه

وعايْشَة طُول عُمرِي بَحلَم بِيُوم لُقَاه

آه يَانِي مِنُّه… ومن غرامُه !!

وإلِّلي بِيجرالِي…. من كلامُه !!

كِدَا انَكَتَب عَلَيَّا …أعِيش عَشانُه!!

معقُولة… عيونُه دِي!!

وغرامُه دَا !!

دَوِّبنَي فيه…. وبَموت عليه

هوَّ دَا حبيبي إلِّلي بَتْمَنَّاه

وأحلم بِلُقَاه ….وبَستَنَّاه

مِشْ قادرة أتصَوَّر …عيونُه دِي!!

مِشْ قادرة أتصَوَّر…الفرحة دِي!!

بقلم الشاعرة /حنان فاروق العجمي