بيت الأدباء والشعراء

ايدك ف اديه

بقلم حنان فاروق العجمي

إِيدَك ف إدِيه (بالعامية المصرية )

بقلم الشاعرة /حنان فاروق العجمي 

و جنايِن طَرحَة تعِيش جُوَّاها الفرحة

يا لِّلي بِتبكِي بتِحزَن ليه

ضحكة في مرايَة وخوخة وعنبايَة

عَ الشط يعَدِّي مادِدلِي إدِيه

وبحري يغنِّي وقمَري في سمايا بتضَوِّي عنِيه

والضِّلَّة تضَلِّل عاشقة الشمسية

وبسمة ف عنَيَّا

وياسمينة بتِحكِي شايلَة أسامينا

وصوت حكاوينا وأملنا ف بُكرا

اضحك واتطَمِّن بتعانِد لِيه

ازرع بذرة تعلَى الشجرة

زهور تِتفَتَّح وهَنِجنِي الثمرة

والصعب هَيِمشِي

بِينَا هَنِبنِي إيدَك ف إدِيه

فستاني طويل وجدايلِي حرير

وعيوني بتلمَع وهَصُون وادِيه

يا نِيلنا يا جاري وخِيرك فايِض

بقلوبكوا وروحكوا حافظوا عليه

وساعة العصاري مركبة ماشية

تِتمَختَر في المَيَّة

دا سماري بلون طَميُه

أحضُنُه وأضُمُّه

مِشْ شايِل هَمُّه 

رَبِّي ورَبَّك حامِيه

بقلم الشاعرة /حنان فاروق العجمي

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق