بيت الأدباء والشعراء

نعيم زايل

بقلم اسماعيل البلبوشي

قصيدة /نعيم زايل

وهيجي يوم وأكون ذكري

وناس تنساني وناس فاكرة

ومين في الدنيا دي هيدوم

ومين ضامن يعيش بكره

وليه ساكنك كدا الخوف

دا كلنا عليها ضيوف

واخرتنا توب أبيض وحفرة

ومين واخد معاه حاجة

مهما كوشنا وحوشنا

وسابت الدنيا أهات

وعلامات على وشوشنا

الدوام صعب ومحال

مهما الأمال والحلم وشوشنا

وعلى كل حال لازم تعرف

ده كله نعيم زايل

هتتحسب عليه وحدك

وهتشهد عليك يدك

وتحس ساعتها بالحسرة

فين قارون وفين كسرى؟

…… 

صحيح دنيا فانية ومرة

ومحدش فيها مرتاح

كله بيحسبها بالألفات

واللي بيحسبها بالعلاقات

وفي ناس نسيها بالمرة

وناس حرة من زمن فات

وناس جميلة من بره

ومن جوه خاوية الاساسات

ومحتاجة قلوبهم لميت عمره

وناس بسيطة وشكلها يسرك

ولو قربت منهم يطيب جرحك

وعيونهم كلها طيبة

منهم ما تطلعش العيبة

كلهم عزم وعز وهيبة

ووجودهم عسل يحلى مرك

قلبهم طيبة وناس حرة

تحس معاهم أنكم أسرة

فأيك تاخد الناس بالشكل

واللبس والهيئة ونوع الأكل

وغني وفقير وصعب وسهل

فناس بالخير بتبني بيوت

في صمت مريب ونعم الأهل

وفناس لو حاشت طوبة م الأرض

تعمل دعاية وتعمل عرض

وتضيع ثوابها يوم العرض

ناس بجد فالنفاق فاجرة

كلمات وأشعار إسماعيل البلبوشى

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: