البسي توب العويل
……………………..
اهربي من الحياه
البسي توب العويل
لا حفظتي اللي عشناه
ولا حفظتي الجميل
ليه يا هجر تغويني
وتديني لطريقك دليل
مر مرور الكرام
واكفيني
شر الم الضلال
عيون تضلني
وحروف تبخ السم في المقال
مربوط على حافتك
بنظرة عين
وسهم رمشها القتال
باشيل الهم همين
وشغال
كما العتال
مسروق عمري في جعبتها
مربوط عليه بطرف شال
يوم م تملى رغبتها
ترمي المشال في الحال
تفك طرف شالها
تكتب حروف الموال
عمري ما كنت فرحتها
عايش في البلاد جوال
راسم في الهجر صورتها
قدامي في الخطاوي
امر امام بيتها
تعيد عليا الغناوي
ترص الامي في غنوتها
فينك يا اللي كنت ناوي
ليه يا هجر ربتها
على الفراق وع البلاوي
ليه كدا خليتها
تقتل كل شيء جميل
قول لها يا هجر ساكن بيتها
البسي توب العويل
لا هتحفظ حياه عاشتها
ولا هتحفظ اي جميل
٢٣/ ٠٥/ ٢٠٢١
#قصور_الثقافة
