علي فكرة

على فكره

شعر/محمود العزب

4/6/2021

باحبك وانت على بالى وفى خيالى

وقربك إللى طول عمره بيحلالى

وباسهر لك أناجى طيفك الغالى

وباشتاق لك عشان دنيتنا تهنالى 

وعاوزك تبقى مرتاحه ومش عايزه

وأعصابك تكون هاديه ومش بايظه

وفيه تغيير وحبى يبقى لك جايزه

وأحوالك بتحلالك وانت خايفه على حالى

وانا وانت بنبنى لبكره ولبعده

ومافيش حد على فكره كره سعده

ولجل نعيش ضرورى بعدنا نعانده

ونعمل إللى بيحقق فى آمالك وآمالى.