بيت الأدباء والشعراء

بلياتشو

قصيدة بعنوان…… بلياتشو

بلياتشو بنص لسان
غلباوى لكن فنان
بتشقلب كده وأتنطط
وساعات بقرا الفنجان
راسم على وشى الضحكة
متعود ع النسيان
لو مرة الحزن ندانى
بأهرب على أى مكان
مليت من كتر الوحدة
مع إنى ياناس أنسان
والفرحه واخدها بشحته
م الأهل وم الخلان
أوعاك ياحبيبى تفكر
أن أنا معدوم الحال
فى هواك بأسهر وبفكر
ولا ع الخاطر والبال
ماشى وعمال تتمخطر
والخطوه تهد جبال
يا أبو رمش خطير بيحير
وقوام حلو وفتان
م تبصش بصه تحير
بكره الأيام تتغير
قراداتى بضحك لكن
أنا عمرى ماكنت صغير
وبراود ف الغزلان
يانسينى ف شوق وهلاك
ماتقولى أزاى أ نساك
بلياتشو بحبك وأفرح
لو ضمنى حضن هواك
وإن مرة بعدت بقلبك
راح أعيش أزاى من بعدك
ما أضمانشى أعيش فى أمان

كلمات الشاعر محمد ثروت عبد الحفيظ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: