بيت الأدباء والشعراء

السفينه

بقلم دواوين الشعر

السفينة 

ركبت في سفينة نتلطم وانا زايد يا لحباب ننظلم 

خايف من البحر يهيج وياكلني والربح مع لمواج تلطمني

ماجبرت لمن تشكي ونتكلم وانا من قلبي نتألم 

نقول واش خذاني واداني تبعت الطفيليين والغلماني 

صرت في الدنيا نادم وهذا مأكتب ربي على بنادم 

ياويحي واش اداني ورماني ضحكتني الدنيا وغرتني

وخلاتني معاها نتحزم ومع أهل الحرام نرزم  

قلتلهم قيلوني وعفوني. ياناس ماقديت انسوني 

رديتوني نتبع مانتكلم شربتوني المر مع الحلطم 

من حرية التعبير منعتوني وصبحت في هذا الدنيا نعاني 

لجمتوني كي العود باللجام وقلتولي رد بالك من شي كلام

علاش تلوموني وتعاتبوني. هذي فعالكم انا علاش تمنعوني 

انا لازم عليا نكتب ونتكلم هذا واجبي نسلم ومانستسلم 

انا شاعر وغدوة تحاكموني وحكم الله عليا يستناني

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق