بعد السماع والمداولة
المجني عليه هو الجاني
كانت آخر محاولة
ومافيش كلام تاني
الحكم خلاص صدر
والقلب اْجمد م الحجر
لو يمر عليك عام
هتعدي مرحلة الخطر
مانت ياما عديت كتير
دوست كتير ع الوجع
ليه تحن أو تغير
ع اللي مش شايفك جدع
كل واحد له مكانه
كل حب و له زمانه
واللي مش زعلان عليك
تزعل إنت ليه عشانه
طيب حنين بلا خيبة
شوف بعينك و إتعلم
حبك لو يكون عيبة
لا تمشي وراه ولا تسلم
إتكلم عن حياه تانية
هتبدا في خلال ثانية
وإرمي صفيحة الماضي
دا كل الذكريات فانية
اْخر محاولة فاشلة
إفتكر علشان تذاكر
قول حاضر وسهلة
وإقطع باقي التذاكر
القصة الكاملة عندك
على جبينك وخدك
سيبك م إللي سابك
دور على إللي يحبك
اخر محاولة
احمد صبري
