أخر إنذار
********
بلاش أعذار
كفاية بجد
أصل العشق
أخذ ورد
بلاش تبقى في وادي بعيد بأفكارك
بلاش دا القلب متلهف لأخبارك
بلاش يندم في لحظة إنه إختارك
بلاش الصد …
ودا لعلمك عشان تعرف أخر إنذار
……………
سامحت كتير في حقي
وانت مش همك
وعديت كل أخطائك
وبرضه ما كانشي بيهمك
وقلت أكيد هييجي يوم وتتغير
عشان حبي وعشان خاطرك هاعيش واصبر
لقيتك كل ما بتكبر … بتعاند وتتكبر
وتيجي بسرعة تتأسف
وبتقدم فروض الطاعة بالأعذار
……………
على دا الحال بتعدي شهور وسنين
بنبعد أيوه … ويرجعنا أي حنين
بس خلاص تعب عقلي من التفكير
بتغلط أيوه وبسامح كتير وكتير
خلاص يكفىٰ ما عادشي ينفع التبرير
أنا وقلبي شبعنا خلاص من الأضرار
……………
وعشان ما افرضش أي قرار
بديلك أخر فرصة
ودا لعلمك أخر إنذار
……………
بقلم / محمد ربيع المصري
