الجزائر ليا
بوي كان مجاهد في الثورة بعد سبع سنين وشوية
جابلي لستقلال والحرية يوم خرج لستعمار عليا
###
اي يا فرانسا مابقالك حكام فوتي قرن وثنين وتلاثين عام
كليتي وشربتي وبوي عندك خدام وسجنتيه في سجون بعبد عليا
###
يافرانسا درتي جرائم كبار وحرقت كلشي بالنابالم والنار
لكن جات ساعة القرار باش مايبقالكمش اثار هناية
###
الجزائر لمواليها لحزايريين. لجزاير للأجيال الجايين
حروها الشهداء والمجاهدين بدم ولحب والروح الوطنية
###
ثورة نوفمبر حرت العالم من العنصرية ولمستعمر الظالم
فرانسا حرمت شعب من العلم والعيش في كنف الحرية
####
حتى ليوم جاء خمسة جويلية اي يا فرانسا اخرجي عليا
صحينا بمليون ونصف شهيد. ماعطيتيناش الحرية هدية
####
التاريخ يبقى شاهد ليا باش ندير الجزائر في عينية
ياويحك يافرانسا انتي. انت خرجت والجزائر بقات ليا
