الرئيس السيسي أعلن عن انشاء منطقة لوچيستية مصرية في جيبوتي قريبا “قاعدة مصرية”
بمعني ايه ؟ و ايه أهمية المشروع ده ؟
المشروع ده جايبلنا خير كبير جدًا من كل الاتجاهات و ده اتساقًا مع توجه الدولة المصرية دلوقتي في استعادة نفوذها في أفريقيا ، و طبعًا چيبوتي هي قلب منطقة القرن الأفريقي
منطقة تعتبر بوابة لتصدير البضائع المصرية لچيبوتي و كل دول شرق افريقيا
المنطقة هيبقى فيها منطقة استراحة للسفن تتبع هيئة قناة السويس أي سفينة رايحة ناحية قناة السويس تقدر تقف في المنطقه اللوچيستية المصريه في چيبوتي عايزة تحط سولار او مزودات وقود ، عايزة تعمل صيانة لحاجة ، عايزة تنزل بضائع رايحة لمصر و هتتصدر لأفريقيا ✌️
المنطقة هتعتبر كأنها قطعة أرض مصرية في دولة چيبوتي
المنطقة هيبقى فيها مصانع مصرية تشغل الايد العاملة الچيبوتية و ده دخل قومي كبير ليك
ده غير قاعدة الفرسان السعودية اللي هناك اللي مصر وخداها بإتفاق مع السعودية يعني هيبقى فيه تواجد عسكري مصري في المنطقة دي و ده مهم جدًا بالنسبة لأمننا
بجانب كل ده انت أعلنت عن مستشفى مصري هناك و افتتاح فرع لبنك مصر هناك و الله اعلم هتعمل ايه تاني ، يعني انت بتأمن وجود قوي ليك في دولة موقعها الاستراتيچي مهم جدًا لمصر.
الدولة المصرية بتستعيد ثقلها و قوتها في أفريقيا من جديد ، مصر ستكون في المستقبل القريب قوة عُظمى بإذن الله كل يوم الدولة بتقوي و بتثبت أركانها و اللي جاي هيبقى فوق الوصف
