بيت الأدباء والشعراء

زمن البدايه

#زمن_الديابه

زمن مالهوش كبير
مقتول فيه الضمير

عصبك و ضهرك نابك
خليه سم لا تاكلك كلابك

زمن و الكل فيه شايل سلاحه
مغدور بيه إللي يبكي على جراحه

لو ناوي فيه تعيش
حد جنبك ما تخليش

خليك فيه عايش وحدك بطولك
صاحبك دراعك يحترموا قولك

لا تهاب و لا تختشي من أي حد
لا عاد في مشنقه ولا فيه إقامة حد

لا تقول ده كان ساكن جاري و لا عيب
و إياك تشيل خاطر إلا للي في الجيب

وقت الجدعنه خلاص كان زمان
قبل ما يتقتل الشهم بأيد جبان

والحكايه تنتهي كده عيني عينك أوام
أدفع ديته مالحكايه سهله يعني كام

زمن الأبيض و الألماني و بينهم عشري
زمن سما و فيفي و دينا و هند صبري

زمن الديابه مفيش خلاص غلابه بينهم
ماتوا بأدبهم وعلى الأحزان يصبر ولادهم

حكينا كتير و ياما قولنا
للحضيض ليه كده وصلنا

يارب برحمتك منهم تحفظ البلد
لا عاد حد يتحمل ولا حد عنده جَلد

حسن سعيد ابراهيم
#صرخة_وطن

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: