امل كداب

أمل كداب

………………….

ساعات

 بكون عايز

اعيش الدنيا 

على كيفها

اطاوعها

 واكون ضيفها 

لحد العمر ميعدي .

الاعب 

فى الهوى طيفها

والبس

 قناع زيفها

والمكر يكون عهدي .

وحتى

لو زنقاني

ومرها سقياني

هضحكلها لحد متهدي .

وحتى لو بايعاني

وشاريه غيري

ولو كمان

شايفاني وسيباني 

مدبووووووووح

مدبوح كما طيري

بالود هيكون ردي .

*************

 دنيا ياخال دوارة

تديك من وسع .

فتفرح بيها 

وتطيييييير

 لأبعد سما .

فارد 

جناحات الوهم

بيها سادد

عيون الشمس .

حتى 

الضي طوع امرك 

تنشره فتصحصح

عيون الليل الدبلانين .

وبيه ترسم 

على وش السما

دايره متبسمه

اسمها القمر .

وتبدر في الفضا

حبة نجوم متبعترين

للسهارى والعاشقين .

وتفضل

 على حالك

تكحل عيونك

بأمل كداب

بضحكه صفرا

 مرسومه

على شفايف 

زمن نصاب .

***************

اوعاك

تنسى ياخال 

ان الدنيا دواره .

الامل

فيها جراب حاوي

مهواش …. خاوي

مليان تعابين وانين .

وسكون الليل

اللي كنت فاكره

همس بنات الحور 

عدى بيبان السور

وصار مخالب تنهش

في عرض النهار .

وتفضح 

دا اللي كان

يسموه اسرار .

فحاسب

اوعاك تهادن

او حتى تأَمن

لدنيا نصابه .

تغويك .. بأمل كداب

تطاوعها 

فترميك في

جحيم حرمان .

بتنزف منه

حروف الوجع

فتكوي 

القلب الحزين .

دا اللي عمره

لافيوم فرح

ولا حس 

 بطعم الامان .

★★★★★